ทุกฺขาย เวทนาย ตโต อวิชฺชานุสยญฺจ ปฏิฆานุสยญฺจ ทิฏฺฐานุสยญฺจ วิจิกิจฺฉานุสยญฺจ ปชหติ, โน จ ตโต กามราคานุสยญฺจ มานานุสยญฺจ ปชหติฯ (ปญฺจกมูลกํ)

[153] (ก) ยโต กามราคานุสยญฺจ ปฏิฆานุสยญฺจ มานานุสยญฺจ ทิฏฺฐานุสยญฺจ วิจิกิจฺฉานุสยญฺจ ภวราคานุสยญฺจ ปชหติ ตโต อวิชฺชานุสยํ ปชหตีติ? นตฺถิฯ

(ข) ยโต วา ปน อวิชฺชานุสยํ ปชหติ ตโต กามราคานุสยญฺจ ปฏิฆานุสยญฺจ มานานุสยญฺจ ทิฏฺฐานุสยญฺจ วิจิกิจฺฉานุสยญฺจ ภวราคานุสยญฺจ ปชหตีติ?

รูปธาตุยา อรูปธาตุยา ตโต อวิชฺชานุสยญฺจ มานานุสยญฺจ ทิฏฺฐานุสยญฺจ วิจิกิจฺฉานุสยญฺจ ภวราคานุสยญฺจ ปชหติ, โน จ ตโต กามราคานุสยญฺจ ปฏิฆานุสยญฺจ ปชหติฯ กามธาตุยา ทฺวีสุ เวทนาสุ ตโต อวิชฺชานุสยญฺจ กามราคานุสยญฺจ มานานุสยญฺจ ทิฏฺฐานุสยญฺจ วิจิกิจฺฉานุสยญฺจ ปชหติ, โน จ ตโต ปฏิฆานุสยญฺจ ภวราคานุสยญฺจ ปชหติฯ ทุกฺขาย เวทนาย ตโต อวิชฺชานุสยญฺจ ปฏิฆานุสยญฺจ ทิฏฺฐานุสยญฺจ วิจิกิจฺฉานุสยญฺจ ปชหติ, โน จ ตโต กามราคานุสยญฺจ มานานุสยญฺจ ภวราคานุสยญฺจ ปชหติฯ (ฉกฺกมูลกํ)

(ค) อนุโลมปุคฺคโลกาสา

[154] (ก) โย ยโต กามราคานุสยํ ปชหติ โส ตโต ปฏิฆานุสยํ ปชหตีติ? โนฯ

(ข) โย วา ปน ยโต ปฏิฆานุสยํ ปชหติ โส ตโต กามราคานุสยํ ปชหตีติ? โนฯ

(ก) โย ยโต กามราคานุสยํ ปชหติ โส ตโต มานานุสยํ ปชหตีติ?

ตเทกฏฺฐํ ปชหติฯ

(ข) โย วา ปน ยโต มานานุสยํ ปชหติ โส ตโต กามราคานุสยํ ปชหตีติ? โนฯ

โย ยโต กามราคานุสยํ ปชหติ โส ตโต ทิฏฺฐานุสยํ…เป.… วิจิกิจฺฉานุสยํ ปชหตีติ? โนฯ

โย วา ปน ยโต วิจิกิจฺฉานุสยํ ปชหติ โส ตโต กามราคานุสยํ ปชหตีติ?

อฏฺฐมโก ทุกฺขาย เวทนาย รูปธาตุยา อรูปธาตุยา โส ตโต วิจิกิจฺฉานุสยํ ปชหติ, โน จ โส ตโต กามราคานุสยํ ปชหติฯ

สฺเวว ปุคฺคโล กามธาตุยา ทฺวีสุ เวทนาสุ โส ตโต วิจิกิจฺฉานุสยํ ปชหติ กามราคานุสยํ ตเทกฏฺฐํ ปชหติฯ

(ก) โย ยโต กามราคานุสยํ ปชหติ โส ตโต ภวราคานุสยํ ปชหตีติ? โนฯ

(ข) โย วา ปน ยโต ภวราคานุสยํ ปชหติ โส ตโต กามราคานุสยํ ปชหตีติ? โนฯ

(ก) โย ยโต กามราคานุสยํ ปชหติ โส ตโต อวิชฺชานุสยํ ปชหตีติ?

ตเทกฏฺฐํ ปชหติฯ

(ข) โย วา ปน ยโต อวิชฺชานุสยํ ปชหติ โส ตโต กามราคานุสยํ ปชหตีติ? โนฯ

[155] (ก) โย ยโต ปฏิฆานุสยํ ปชหติ โส ตโต มานานุสยํ ปชหตีติ? โนฯ

(ข) โย วา ปน ยโต มานานุสยํ ปชหติ โส ตโต ปฏิฆานุสยํ ปชหตีติ? โนฯ

โย ยโต ปฏิฆานุสยํ ปชหติ โส ตโต ทิฏฺฐานุสยํ…เป.… วิจิกิจฺฉานุสยํ ปชหตีติ? โนฯ

โย วา ปน ยโต วิจิกิจฺฉานุสยํ ปชหติ โส ตโต ปฏิฆานุสยํ ปชหตีติ?

อฏฺฐมโก กามธาตุยา ทฺวีสุ เวทนาสุ รูปธาตุยา อรูปธาตุยา โส ตโต วิจิกิจฺฉานุสยํ ปชหติ, โน จ โส ตโต ปฏิฆานุสยํ ปชหติฯ สฺเวว ปุคฺคโล ทุกฺขาย เวทนาย โส ตโต วิจิกิจฺฉานุสยํ ปชหติ ปฏิฆานุสยํ ตเทกฏฺฐํ ปชหติฯ

(ก) โย ยโต ปฏิฆานุสยํ ปชหติ โส ตโต ภวราคานุสยํ ปชหตีติ? โนฯ

(ข) โย วา ปน ยโต ภวราคานุสยํ ปชหติ โส ตโต ปฏิฆานุสยํ ปชหตีติ? โนฯ

(ก) โย ยโต ปฏิฆานุสยํ ปชหติ โส ตโต อวิชฺชานุสยํ ปชหตีติ?

ตเทกฏฺฐํ ปชหติฯ

(ข) โย วา ปน ยโต อวิชฺชานุสยํ ปชหติ โส ตโต ปฏิฆานุสยํ ปชหตีติ? โนฯ

[156] โย ยโต มานานุสยํ ปชหติ โส ตโต ทิฏฺฐานุสยํ…เป.… วิจิกิจฺฉานุสยํ ปชหตีติ? โนฯ

โย วา ปน ยโต วิจิกิจฺฉานุสยํ ปชหติ โส ตโต มานานุสยํ ปชหตีติ?

อฏฺฐมโก ทุกฺขาย เวทนาย โส ตโต วิจิกิจฺฉานุสยํ ปชหติ, โน จ โส ตโต มานานุสยํ ปชหติฯ สฺเวว ปุคฺคโล กามธาตุยา ทฺวีสุ เวทนาสุ รูปธาตุยา อรูปธาตุยา โส ตโต วิจิกิจฺฉานุสยํ ปชหติ มานานุสยํ ตเทกฏฺฐํ ปชหติฯ

(ก) โย ยโต มานานุสยํ ปชหติ โส ตโต ภวราคานุสยํ ปชหตีติ?

อคฺคมคฺคสมงฺคี กามธาตุยา ทฺวีสุ เวทนาสุ โส ตโต มานานุสยํ ปชหติ, โน จ โส ตโต ภวราคานุสยํ ปชหติฯ สฺเวว ปุคฺคโล รูปธาตุยา อรูปธาตุยา โส ตโต มานานุสยญฺจ ปชหติ ภวราคานุสยญฺจ ปชหติฯ

(ข) โย วา ปน ยโต ภวราคานุสยํ ปชหติ โส ตโต มานานุสยํ ปชหตีติ? อามนฺตาฯ

(ก) โย ยโต มานานุสยํ ปชหติ โส ตโต อวิชฺชานุสยํ ปชหตีติ? อามนฺตาฯ

(ข) โย วา ปน ยโต อวิชฺชานุสยํ ปชหติ โส ตโต มานานุสยํ ปชหตีติ?

อคฺคมคฺคสมงฺคี ทุกฺขาย เวทนาย โส ตโต อวิชฺชานุสยํ ปชหติ, โน จ โส ตโต มานานุสยํ ปชหติฯ สฺเวว ปุคฺคโล กามธาตุยา ทฺวีสุ เวทนาสุ รูปธาตุยา อรูปธาตุยา โส ตโต อวิชฺชานุสยญฺจ ปชหติ มานานุสยญฺจ ปชหติฯ

[157] (ก) โย ยโต ทิฏฺฐานุสยํ ปชหติ โส ตโต วิจิกิจฺฉานุสยํ ปชหตีติ? อามนฺตาฯ

(ข) โย วา ปน ยโต วิจิกิจฺฉานุสยํ ปชหติ โส ตโต ทิฏฺฐานุสยํ ปชหตีติ? อามนฺตา…เป.…ฯ

[158] (ก) โย ยโต วิจิกิจฺฉานุสยํ ปชหติ โส ตโต ภวราคานุสยํ ปชหตีติ?

อฏฺฐมโก กามธาตุยา ตีสุ เวทนาสุ โส ตโต วิจิกิจฺฉานุสยํ ปชหติ, โน จ โส ตโต ภวราคานุสยํ ปชหติฯ สฺเวว ปุคฺคโล รูปธาตุยา อรูปธาตุยา โส ตโต วิจิกิจฺฉานุสยํ ปชหติ ภวราคานุสยํ ตเทกฏฺฐํ ปชหติฯ

(ข) โย วา ปน ยโต ภวราคานุสยํ ปชหติ โส ตโต วิจิกิจฺฉานุสยํ ปชหตีติ? โนฯ

(ก) โย ยโต วิจิกิจฺฉานุสยํ ปชหติ โส ตโต อวิชฺชานุสยํ ปชหตีติ?

ตเทกฏฺฐํ ปชหติฯ

(ข) โย วา ปน ยโต อวิชฺชานุสยํ ปชหติ โส ตโต วิจิกิจฺฉานุสยํ ปชหตีติ? โนฯ

[159] (ก) โย ยโต ภวราคานุสยํ ปชหติ โส ตโต อวิชฺชานุสยํ ปชหตีติ? อามนฺตาฯ

(ข) โย วา ปน ยโต อวิชฺชานุสยํ ปชหติ โส ตโต ภวราคานุสยํ ปชหตีติ?

อคฺคมคฺคสมงฺคี กามธาตุยา ตีสุ เวทนาสุ โส ตโต อวิชฺชานุสยํ ปชหติ, โน จ โส ตโต ภวราคานุสยํ ปชหติฯ สฺเวว ปุคฺคโล รูปธาตุยา อรูปธาตุยา โส ตโต อวิชฺชานุสยญฺจ ปชหติ ภวราคานุสยญฺจ ปชหติฯ (เอกมูลกํ)

[160] (ก) โย ยโต กามราคานุสยญฺจ ปฏิฆานุสยญฺจ ปชหติ โส ตโต มานานุสยํ ปชหตีติ? นตฺถิฯ

(ข) โย วา ปน ยโต มานานุสยํ ปชหติ โส ตโต กามราคานุสยญฺจ ปฏิฆานุสยญฺจ ปชหตีติ? โนฯ

โย ยโต กามราคานุสยญฺจ ปฏิฆานุสยญฺจ ปชหติ โส ตโต ทิฏฺฐานุสยํ…เป.… วิจิกิจฺฉานุสยํ ปชหตีติ? นตฺถิฯ

โย วา ปน ยโต วิจิกิจฺฉานุสยํ ปชหติ โส ตโต กามราคานุสยญฺจ ปฏิฆานุสยญฺจ ปชหตีติ?

อฏฺฐมโก รูปธาตุยา อรูปธาตุยา โส ตโต วิจิกิจฺฉานุสยํ ปชหติ, โน จ โส ตโต กามราคานุสยญฺจ ปฏิฆานุสยญฺจ ปชหติฯ สฺเวว ปุคฺคโล กามธาตุยา ทฺวีสุ เวทนาสุ โส ตโต วิจิกิจฺฉานุสยํ ปชหติ กามราคานุสยํ ตเทกฏฺฐํ ปชหติ, โน จ โส ตโต ปฏิฆานุสยํ ปชหติฯ สฺเวว ปุคฺคโล ทุกฺขาย เวทนาย โส ตโต วิจิกิจฺฉานุสยํ ปชหติ ปฏิฆานุสยํ ตเทกฏฺฐํ ปชหติ, โน จ โส ตโต กามราคานุสยํ ปชหติฯ

(ก) โย ยโต กามราคานุสยญฺจ ปฏิฆานุสยญฺจ ปชหติ โส ตโต ภวราคานุสยํ ปชหตีติ? นตฺถิฯ

(ข) โย วา ปน ยโต ภวราคานุสยํ ปชหติ โส ตโต กามราคานุสยญฺจ ปฏิฆานุสยญฺจ ปชหตีติ? โนฯ

(ก) โย ยโต กามราคานุสยญฺจ ปฏิฆานุสยญฺจ ปชหติ โส ตโต อวิชฺชานุสยํ ปชหตีติ? นตฺถิฯ

(ข) โย วา ปน ยโต อวิชฺชานุสยํ ปชหติ โส ตโต กามราคานุสยญฺจ ปฏิฆานุสยญฺจ ปชหตีติ? โนฯ (ทุกมูลกํ)

[161] โย ยโต กามราคานุสยญฺจ ปฏิฆานุสยญฺจ มานานุสยญฺจ ปชหติ โส ตโต ทิฏฺฐานุสยํ…เป.… วิจิกิจฺฉานุสยํ ปชหตีติ? นตฺถิฯ

โย วา ปน ยโต วิจิกิจฺฉานุสยํ ปชหติ โส ตโต กามราคานุสยญฺจ ปฏิฆานุสยญฺจ มานานุสยญฺจ ปชหตีติ?

อฏฺฐมโก รูปธาตุยา อรูปธาตุยา โส ตโต วิจิกิจฺฉานุสยํ ปชหติ มานานุสยํ ตเทกฏฺฐํ ปชหติ, โน จ โส ตโต กามราคานุสยญฺจ ปฏิฆานุสยญฺจ ปชหติฯ สฺเวว ปุคฺคโล กามธาตุยา ทฺวีสุ เวทนาสุ โส ตโต วิจิกิจฺฉานุสยํ ปชหติ กามราคานุสยญฺจ มานานุสยญฺจ ตเทกฏฺฐํ ปชหติ, โน จ โส ตโต ปฏิฆานุสยํ ปชหติฯ สฺเวว ปุคฺคโล ทุกฺขาย เวทนาย โส ตโต วิจิกิจฺฉานุสยํ ปชหติ ปฏิฆานุสยํ ตเทกฏฺฐํ ปชหติ, โน จ โส ตโต กามราคานุสยญฺจ มานานุสยญฺจ ปชหติฯ

(ก) โย ยโต กามราคานุสยญฺจ ปฏิฆานุสยญฺจ มานานุสยญฺจ ปชหติ โส ตโต ภวราคานุสยํ ปชหตีติ? นตฺถิฯ

(ข) โย วา ปน ยโต ภวราคานุสยํ ปชหติ โส ตโต กามราคานุสยญฺจ ปฏิฆานุสยญฺจ มานานุสยญฺจ ปชหตีติ?

มานานุสยํ ปชหติฯ

(ก) โย ยโต กามราคานุสยญฺจ ปฏิฆานุสยญฺจ มานานุสยญฺจ ปชหติ โส ตโต อวิชฺชานุสยํ ปชหตีติ? นตฺถิฯ

(ข) โย วา ปน ยโต อวิชฺชานุสยํ ปชหติ โส ตโต กามราคานุสยญฺจ ปฏิฆานุสยญฺจ มานานุสยญฺจ ปชหตีติ?

อคฺคมคฺคสมงฺคี ทุกฺขาย เวทนาย โส ตโต อวิชฺชานุสยํ ปชหติ, โน จ โส ตโต กามราคานุสยญฺจ ปฏิฆานุสยญฺจ มานานุสยญฺจ ปชหติฯ สฺเวว ปุคฺคโล กามธาตุยา ทฺวีสุ เวทนาสุ รูปธาตุยา อรูปธาตุยา โส ตโต อวิชฺชานุสยญฺจ มานานุสยญฺจ ปชหติ, โน จ โส ตโต กามราคานุสยญฺจ ปฏิฆานุสยญฺจ ปชหติฯ (ติกมูลกํ)

[162] (ก) โย ยโต กามราคานุสยญฺจ ปฏิฆานุสยญฺจ มานานุสยญฺจ ทิฏฺฐานุสยญฺจ ปชหติ โส ตโต วิจิกิจฺฉานุสยํ ปชหตีติ? นตฺถิฯ

(ข) โย วา ปน ยโต วิจิกิจฺฉานุสยํ ปชหติ โส ตโต กามราคานุสยญฺจ ปฏิฆานุสยญฺจ มานานุสยญฺจ ทิฏฺฐานุสยญฺจ ปชหตีติ?

อฏฺฐมโก รูปธาตุยา อรูปธาตุยา โส ตโต วิจิกิจฺฉานุสยญฺจ ทิฏฺฐานุสยญฺจ ปชหติ มานานุสยํ ตเทกฏฺฐํ ปชหติ, โน จ โส ตโต กามราคานุสยญฺจ ปฏิฆานุสยญฺจ ปชหติฯ สฺเวว ปุคฺคโล กามธาตุยา ทฺวีสุ เวทนาสุ โส ตโต วิจิกิจฺฉานุสยญฺจ ทิฏฺฐานุสยญฺจ ปชหติ กามราคานุสยญฺจ มานานุสยญฺจ ตเทกฏฺฐํ ปชหติ, โน จ โส ตโต ปฏิฆานุสยํ ปชหติฯ สฺเวว ปุคฺคโล ทุกฺขาย เวทนาย โส ตโต วิจิกิจฺฉานุสยญฺจ ทิฏฺฐานุสยญฺจ ปชหติ ปฏิฆานุสยํ ตเทกฏฺฐํ ปชหติ, โน จ โส ตโต กามราคานุสยญฺจ มานานุสยญฺจ ปชหติ…เป.…ฯ (จตุกฺกมูลกํ)

[163] (ก) โย ยโต กามราคานุสยญฺจ ปฏิฆานุสยญฺจ มานานุสยญฺจ ทิฏฺฐานุสยญฺจ วิจิกิจฺฉานุสยญฺจ ปชหติ โส ตโต ภวราคานุสยํ ปชหตีติ? นตฺถิฯ

(ข) โย วา ปน ยโต ภวราคานุสยํ ปชหติ โส ตโต กามราคานุสยญฺจ ปฏิฆานุสยญฺจ มานานุสยญฺจ ทิฏฺฐานุสยญฺจ วิจิกิจฺฉานุสยญฺจ ปชหตีติ?

มานานุสยํ ปชหติฯ

(ก) โย ยโต กามราคานุสยญฺจ ปฏิฆานุสยญฺจ มานานุสยญฺจ ทิฏฺฐานุสยญฺจ วิจิกิจฺฉานุสยญฺจ ปชหติ โส ตโต อวิชฺชานุสยํ ปชหตีติ? นตฺถิฯ

(ข) โย วา ปน ยโต อวิชฺชานุสยํ ปชหติ โส ตโต กามราคานุสยญฺจ ปฏิฆานุสยญฺจ มานานุสยญฺจ ทิฏฺฐานุสยญฺจ วิจิกิจฺฉานุสยญฺจ ปชหตีติ?

อคฺคมคฺคสมงฺคี ทุกฺขาย เวทนาย โส ตโต อวิชฺชานุสยํ ปชหติ, โน จ โส ตโต กามราคานุสยญฺจ ปฏิฆานุสยญฺจ มานานุสยญฺจ ทิฏฺฐานุสยญฺจ วิจิกิจฺฉานุสยญฺจ ปชหติฯ สฺเวว ปุคฺคโล กามธาตุยา ทฺวีสุ เวทนาสุ รูปธาตุยา อรูปธาตุยา โส ตโต อวิชฺชานุสยญฺจ มานานุสยญฺจ ปชหติ, โน จ โส ตโต กามราคานุสยญฺจ ปฏิฆานุสยญฺจ ทิฏฺฐานุสยญฺจ วิจิกิจฺฉานุสยญฺจ ปชหติฯ (ปญฺจกมูลกํ)

[164] (ก) โย ยโต กามราคานุสยญฺจ ปฏิฆานุสยญฺจ มานานุสยญฺจ ทิฏฺฐานุสยญฺจ วิจิกิจฺฉานุสยญฺจ ภวราคานุสยญฺจ ปชหติ โส ตโต อวิชฺชานุสยํ ปชหตีติ? นตฺถิฯ

(ข) โย วา ปน ยโต อวิชฺชานุสยํ ปชหติ โส ตโต กามราคานุสยญฺจ ปฏิฆานุสยญฺจ มานานุสยญฺจ ทิฏฺฐานุสยญฺจ วิจิกิจฺฉานุสยญฺจ ภวราคานุสยญฺจ ปชหตีติ?

อคฺคมคฺคสมงฺคี ทุกฺขาย เวทนาย โส ตโต อวิชฺชานุสยํ ปชหติ, โน จ โส ตโต กามราคานุสยญฺจ ปฏิฆานุสยญฺจ มานานุสยญฺจ ทิฏฺฐานุสยญฺจ วิจิกิจฺฉานุสยญฺจ ภวราคานุสยญฺจ ปชหติฯ สฺเวว ปุคฺคโล กามธาตุยา ทฺวีสุ เวทนาสุ โส ตโต อวิชฺชานุสยญฺจ มานานุสยญฺจ ปชหติ, โน จ โส ตโต กามราคานุสยญฺจ ปฏิฆานุสยญฺจ ทิฏฺฐานุสยญฺจ วิจิกิจฺฉานุสยญฺจ ภวราคานุสยญฺจ ปชหติฯ สฺเวว ปุคฺคโล รูปธาตุยา อรูปธาตุยา โส ตโต อวิชฺชานุสยญฺจ มานานุสยญฺจ ภวราคานุสยญฺจ ปชหติ, โน จ โส ตโต กามราคานุสยญฺจ ปฏิฆานุสยญฺจ ทิฏฺฐานุสยญฺจ วิจิกิจฺฉานุสยญฺจ ปชหติฯ (ฉกฺกมูลกํ)

ปชหนวาเร อนุโลมํฯ

3. ปชหนวาร

(ฆ) ปฏิโลมปุคฺคโล

[165] (ก) โย กามราคานุสยํ นปฺปชหติ โส ปฏิฆานุสยํ นปฺปชหตีติ? อามนฺตาฯ

(ข) โย วา ปน ปฏิฆานุสยํ นปฺปชหติ โส กามราคานุสยํ นปฺปชหตีติ? อามนฺตาฯ

(ก) โย กามราคานุสยํ นปฺปชหติ โส มานานุสยํ นปฺปชหตีติ?

อคฺคมคฺคสมงฺคี กามราคานุสยํ นปฺปชหติ, โน จ โส มานานุสยํ นปฺปชหติฯ ทฺวินฺนํ มคฺคสมงฺคีนํ ฐเปตฺวา อวเสสา ปุคฺคลา กามราคานุสยญฺจ นปฺปชหนฺติ มานานุสยญฺจ นปฺปชหนฺติฯ

(ข) โย วา ปน มานานุสยํ นปฺปชหติ โส กามราคานุสยํ นปฺปชหตีติ?

อนาคามิมคฺคสมงฺคี มานานุสยํ นปฺปชหติ, โน จ โส กามราคานุสยํ นปฺปชหติฯ ทฺวินฺนํ มคฺคสมงฺคีนํ ฐเปตฺวา อวเสสา ปุคฺคลา มานานุสยญฺจ นปฺปชหนฺติ กามราคานุสยญฺจ นปฺปชหนฺติฯ

โย กามราคานุสยํ นปฺปชหติ โส ทิฏฺฐานุสยํ…เป.… วิจิกิจฺฉานุสยํ นปฺปชหตีติ?

อฏฺฐมโก กามราคานุสยํ นปฺปชหติ, โน จ โส วิจิกิจฺฉานุสยํ นปฺปชหติฯ อนาคามิมคฺคสมงฺคิญฺจ อฏฺฐมกญฺจ ฐเปตฺวา อวเสสา ปุคฺคลา กามราคานุสยญฺจ นปฺปชหนฺติ วิจิกิจฺฉานุสยญฺจ นปฺปชหนฺติฯ